Isa sa mga pinaka-nakakainis na conversations na naranasan ko…

Friend: Ang tagal na namin ng girlfriend ko, one year and six months na kami pero wala pa din nangyayari. Alam mo yun… Nag kikiss naman kami pero ‘pag nandoon na sa ganoong mood wala na. Ayaw na niya. Bigla na lang magiiba lahat. Bakit ba kasi ganoon?

Ako: Eh, siguro ayaw lang talaga ng girlfriend mo na may mangyari. Pero ‘diba sabi mo kanina na ibibigay din naman niya yun sa’yo ‘pag kasal na kayo kaya hintayin mo na lang. ‘Di mo naman mapipilit kung ayaw eh.

Friend: ‘Diba parang unusual yun… Sa panahon ngayon. Yung sa generation natin. Meron ba talagang mga taong ganoon pa?

Ako: Oo, yung girlfriend mo! Hahaha! Tanggapin mo na lang kasi na ganoon siya at maghintay ka.

Nakakainis at nakakalungkot lang. Polluted na yung kaisipan niya (at ng maraming iba pa) na lahat ng babae (o lalake) sa henerasyon na ‘to madali mapapayag ‘pag dating sa sex o kung ano man na related doon.

Oo, sabihin na natin na matagal na nga ang relasyon ng dalawang tao, pero ‘di naman ibig sabihin nun ay kailangan na agad nila gawin yun. ‘Di naman yun requirement sa isang relasyon eh. At oo, may mga taong old-fashioned pa rin ‘pag dating sa mga ganoong bagay kaya kailangan respetuhin nating lahat yun tulad ng respeto na ibinibigay nila sa sarili nila.